Abhinandan Sekhri speaks with Thakur Chandan Singh, the lawyer who filed a case against Lord Ram for “cruelty” against his wife Sita. Singh wants a town to be named after Sita as compensation for the 'cruelty' she faced at the hands of Ram.
Transcript:
Abhinandan : Namashkar Thakur Chandan Kumar Singh ji. Aap vakeel hai. Correct?
Chandan Singh : Ji bola jaye.
Abhinandan : Aapne Shri Ram ke khilaaf mukadma file kiya hai. Correct?
Chandan Singh : Ji
Abhinandan: Kahaan par?
Chandan Singh: Sitamarhi
Abhinandan: Sitamarhi achcha, aap Sitamarhi ke rahne waaley hai?
Chandan Singh: Ji, Majorganj, Dumri Kalan gram ke.
Abhinandan: Aur Sitamarhi , Sitamata ke naam par rakha gaya is sheher ka naam?
Chandan Singh: Ji. Ji. Ji
Abhinandan: Achcha isliye aapko zyada prem hai phir, matlab kyunki aap vahin rehte hai?
Chandan Singh: Kyunki Sitaji Mithila ki beti thi aur soh-bhaag se hum bhi Mithila ki dharti pe janam liye hai.
Abhinandan: Ji haan voh Mithila raja kee beti thi?
Chandan Singh: Ji
Abhinandan: Toh aapne ek mukadma Shri Ram Chandra par kiya hai, ki unhone bahut ill-treat kiya apni wife ko. Correct?
Chandan Singh: Ji…Correct!
Abhinandan: Toh uske baare mein aapse do-chaar sawaal karna tha, lekin pehle, aapka naam Thakur hai?
Chandan Singh : Thakur Chandan Kumar Singh
Abhinandan: Toh aapka matlab first name Thakur hai?
Chandan Singh : Thakur first name ho gaya.
Abhinandan: Toh aapka matlab Thakur naam hai aapka ya title hai?
Chandan Singh: Yeh title hai, Chandan naam ho gaya… Thakur Chandan Kumar Singh.
Abhinandan : Thakur matlab jaise ki yeh ek caste ka identity hai?
Chandan Singh: Kshathriye … Kshathriye Rajput!!
Abhinandan: Toh vahan us shetra mein, sab aese karte hai matlab Brahmin Manish Pandey, Thakur Chandan Kumar aese hota hai? Baniya Gourav Agarwal aese? Matlab sabka title hota hai?
Chandan Singh: Ji…Ji
Abhinandan: Achcha achcha. Toh aap bataiye aap kya chahte hai ki court kya saza de Shri Ram ko?
Chandan Singh: Maine Bhagwan Shri Ram ko saza dene ke liye file nahi kiya hai, main Maiya Sita ko nyay dilane ke liye file kiya tha.
Abhinandan: Achcha toh kya alimony hogi koi, nakad raashi kucch? Court ne bhi poochha tha na ki kya hona chahiye?
Chandan Singh: Ji…Court ne toh khaarij hi kar diya, jab Bhagwan Shri Ram apni patni ke saath nyay nahi kar paye toh hum court ke nirnay ke khilaaf nahi hai, lekin court kya nirnay kar payega? Ek toh court ne case ko accept hi nahin kiya.
Abhinandan: Kya kaha?
Chandan Singh: Humko apna paksh rakhne ka mauka hi nahi diya.
Abhinandan: Achcha toh main yeh padh raha hun Firstpost mein, ismein likha hai ki… Judge ne aapse poochha ki kya chahte hain aap?
Chandan Singh: Ji
Abhinandan: Toh judge ne poochha aapse?
Chandan Singh: Ji. Ekdum poochha.
Abhinandan: Toh kya bola aapne?
Chandan Singh: Ji… Judge sahib ne yeh poochha ki aap kya chahte hai, judge sahib ne kaha ki yeh Treta Yuga ki baat hai, aap kahaan se Ram ko laoge, kahaan se Sita ko laoge.
Abhinandan: Haan.
Chandan Singh: Toh apko padhna chahiye maine jo complaint file kiya tha usmein spasht kaha mera granth jo hai dharmik granth hi mera adhaar hai! Main sirf usi ko produce kar paunga!
Abhinandan: Achcha maltab apki jo proof hoga aapka voh granth hi hogi ki isme likha hai
Chandan Singh: Ji… Mera adhaar vohi tha, usse padh ke hum effect huye the, hum ussi ke anuroop diye the aur sitamayya ko nyay dilane ki humne baat kahi thi, nyay dilane walo ke khilaaf, itni badi political saajish ke tehat humko fasaya jaa raha hai!
Abhinandan: Sorry, aapko kisne fasaya?
Chandan Singh: Political party ismein interest lene laga
Abhinandan: Achcha.
Chandan Singh: Aur mujhe Ram virodhi aur Hindu virodhi ke roop mein, poore desh duniya mein utaar diya! Jabki aesi kahin koi baat nahi hai. Maine sirf nyay dilane ka baat kiya tha!
Abhinandan: Lekin.
Chandan Singh: Kya Sita Maiya ke nyay ke liye awaaz uthana galat hai kya?
Abhinandan : Haan beshak nahi galat hai, main bass yeh poochhna chah raha tha ki aapne bola kya jab judge ne apse poochha ki kya chahte hain aap? Toh kaise nyay milna chahiye, aap kya chahte hai ki Sita Maiya kya mile unko? Koi nakad raashi mile, Ayodhya mein aadha?
Abhinandan: Ek minute, Thakur sahab main zara complete karlun apna sawaal!
Abhinandan: Aap chahte hai ki jab bhi Shri Ram Mandir banega Ayodhya mein tab uska aadha hissa Sita Maiya ko diya jaye ki uske elawa Ram ji ka kuch raha hi na ab Ayodhya mein ya kahin bhi? Toh kya milega Sita Maiya ko?
Chandan Singh: Ji… Sita Maiya ko Ayodhya mein Mithila ki nagri honi chahiye
Abhinandan: Achcha toh voh aap chahte the ki court voh de.
Chandan Singh: Ji
Abhinandan: Compensation
Chandan Singh: Ji
Abhinandan: Lekin aap Shri Ram ke liye koi punishment nahi chahte?
Chandan Singh: No. Koi nahin!
Abhinandan : Achcha achcha vaise kabile tareef hai ki aapka dhyan nyay ki taraf rehta hai.. Aur kis kis ko aapne nyay dilaya hai. Court mein aksar appear hote honge. Toh aam taur par aap kis kisam ke case ladte hai!
Chandan Singh: Ji. Abhi humne farook Abdullah sahib par mukadma kiye huye hai.
Abhinandan: Achcha kyunki voh naache iss tarah besharmi se NDTV ke award par, maine dekha voh. Aese nache voh ekdum dhadak dhadak karke… Bohut dukh huya dekh ke, aapne issi vajah se case kiya hai? Kyun kiya hai?
Chandan Singh: Ji…?
Chandan Singh: Aapne Farooq Abdullah par yeh naachne ke kaaran mukadma kiya? Kis kaaran kiya hai?
Chandan Singh: Nahi nahi. Unhone kaha tha ki Hindustan ke saare fauj ek sath mil ke bhi aatankvaad se loha nahi le sakta hai. Desh ki sena ko, jawaan ko unhone lalkara tha. Desh ke sena ka apmaan kiya tha. Isliye!
Abhinandan : Achcha toh aapka ghar aapki vakalat se chalta hai, aap kaise… Vakeel hai na professionally?
Chandan Singh: Ji, professionally vakeel hai.
Abhinandan : Toh aur kis kisam kyunki yeh toh aapne mukadma kiya, iske liye toh apko kisine paise bhi nahi diye honge, aap ghar kaise chalate hai? Kis kisam ke case lete hain aap? Yadi main aapke paas aaun toh kis kisam ka case lete hai aap?
Chandan Singh: Ji. bola jaye sun rahe hai… Duniya ka koi bhi case!
Abhinandan: Toh abhi apne kaunse case lade hai doosron ke liye? Sri Ram ne shayad aapko paise ka intezaam nahi kiya hoga, halaki miracle ho sakte hai! An-suna nahi hai, kayi baar duniya mein.. kehte hai ki bin maange moti mile, maange mile na….
Chandan Singh: Ji… Suna jaye, suna jaye …
Abhinandan: Hmm.
Chandan Singh: Ji main paise ke liye case nahi karta hun, nyay dilane ke liye case karta hun!
Abhinandan: Aapka ghar kaise chalta hai Thakur sahab?
Chandan Singh: Mera ghar kaise chalta hai?
Abhinandan: Hmm.
Chandan Singh: Humein koi shauk hi nahi hai, kharcha jo hai voh limit hai. Bus paet(stomach) mein bhojan chahiye deh per kapda chahiye, baaki koi shauk nahi hai humko.
Abhinandan: Haan, lekin uska bhi intezaam kaise hota hai. Kyunki agar aap paise nahi lenge case toh aadmi ko jeena toh hota hai na?
Chandan Singh: Ji ji ekdum, voh uska intezaam humare pitaji ke pension ke paise se chalta hai, hamare pitaji adhyapak hai , unhi ke paise se hamara paet chalta hai!
Abhinandan: Toh voh ghar chalate hai.
Chandan Singh : Aur main vakalat karta hun!
Abhinandan: Achcha aur aap vakalat karte hai aur nyay dilate hai!
Chandan Singh: Ji…Humne Raghuvansh babu ke khilaaf bhi mukadma darj karaye hai!
Abhinandan: Raghuvansh Prasad joh RJD ke hai?
Chandan Singh: Ji…RJD ke …. Unhone gyan diya tha ki Vedon mein likha hai ki Rishi Muni bhi beef khate the, isko lekar maine mukadma darj karaya hai! Farooq Abdullah ke khilaf mukadma darj karaya hai, court ne 8 December ko aadesh paarit kiya prathmiki darj karne ke liye, abhi tak prathmiki darj nahi ho payi hai! Aakhir yeh log bade log hai aur pata nahi humko political party apne nishane par leh rakhi hai!
Abhinandan: Aapne vakalat kaha se ki Thakur sahab?
Chandan Singh: Humne vakaalat muzzafarpur se ki, Bihar University.
Abhinandan: Kitne saal padhe aap vahan?
Chandan Singh: Vahaan humne teen saal ki padhayi ki.
Abhinandan: Wah! Matlab kafi padh likh ke, fees bhi di hogi vahaan…Fees? Pitaji ne di?
Chandan Singh: Fees?
Abhinandan: Fees bhi di hogi wahan aapne? Fees?
Chandan Singh: Haan toh fees nahi denge toh kaise padh payenge?
Abhinandan: Vohi toh pitaji ne aapko padha likha ke kabil kiya apko?
Chandan Singh: Ji ji pitaji ke paison se.
Abhinandan: Achcha achcha bohut achchi baat hai! Lekin ek aur, in sab cases ke liye time hota hai court mein? Kyunki Dilli mein na , Dilli aap koi case lade bhi, yahaan kayi hazaar case High Court mein ya Karkardooma Court mein bhi itna time lag jata hai, koi apna saga sambandhi bhi , you know kuch ho jaye khuda na khasta maut mrityu toh murder lekin wahaan par itne purane cases ke liye time hota hai court mein?
Chandan Singh: Dekhiye yeh nyay pranali ke antargat aate hai aur main nyayalay ke upar koi tipa tippani nahi kar sakta hun.
Abhinandan: Achcha achcha!
Chandan Singh: Yeh case kyun pending hai, kyun nahi yeh nyayalaya ka apna ek system hai, staff ki kami ho sakti hai, work ka pressure ho sakta hai.. Usmein main jaana nahi chahta hun!
Abhinandan: Nahi nahi main yeh poonch raha hun, matlab yahaan par jo log zinda hai aur voh suffer kar rahe ki jo kuch durghatna ho gayi, unke case ke liye yahaan time nahi hota… Apke Sitamarhi mein itne purane cases ke liye bhi time nikal aata hai?
Chandan Singh: Sir, main aapki baat ko samajh mein paya repeat karenge dobara?
Abhinandan: Haan, main yeh poochh raha hun ki yahaan jo Delhi ke court hai na, yahan agar koi zinda vyakti ho usko nyaay dilane ke liye bhi court ke paas time nahi hota, kyunki itne case pending hai.. aapke ilake mein itne purane case ke liye bhi court ke paas time hota hai, nikal aata hai.
Chandan Singh: Ji… Sattar ka nyaay pranali vohi hai, samay nikaalna padta hai!
Abhinandan: Achcha achcha…Aage aap kya karenge? Case dismiss ho gaya Sitamata ko nyay dilane ke liye!
Chandan Singh: Ji Ji ekdum…Haan haan toh humne abhi order rejection nahi dekha hai!
Abhinandan: Hmm.
Chandan Singh: Ji… Mai order of rejection dekhunga aur punah vichaar karunga, Sita Maiya ko nyaay dilane ke liye mujhe kitne bhi uljhano se kyon na guzarna pade, kitnen bhi kaaton ke raasto per chalna pade, main chalunga! Aur aapke madhyam se ek baat kehna chahunhga, ki mera uddeshya Sita Maiya ko nyay dilana hai na ki kisi dharam ya kisi ki dharmik bhawna ko tthes pohchana hai, yadi agar pohoch gayi toh main sampoorna saare desh ke logo se haath jodkar maafi chahunga aur khaas kar rajneetik party ko main kehna chahunga ki matlab isse aap dharmik roop na de. Yeh nyay se sambandhit mamla hai, yeh dharam ke aadh mein rajneeti na kare aap!
Abhinandan: Yeh gender ka mamla hai, yeh religious mamla nahi hai? Yeh kehne ki koshish kar rahe hai aap. Correct?
lawyer: Ji… Correct. Yeh aap log matlab jitne bhi political party hai voh isko dharmik roop dene ki peshkash kar raha hai aur til ko taad bana diya gaya hai! Jabki mera uddeshya kahin kuch bhi nahi hai, main toh sirf nyay ki baat kar raha hun!
Abhinandan: Achchaeshak!
Chandan Singh: Aur aap se dharam se jod ke, mane dekh raha hai poora political party!
Abhinandan: Thik hai… Ek aur baat main poochhna chahta tha.
Chandan Singh: Ji…Bola jaye.
Abhinandan : Ki ek section 498 hai na shayad jo dowry wala harassment .
*someone talking in between…….*
Abhinandan: Hello?
Chandan Singh: Ji bola jaye.
Abhinandan: Yeh beech mein kiski awaz aa rahi hai, yeh akash vaani toh nahi kya?
Chandan Singh: Ji?
Abhinandan: Yeh awaaz aa rahi hai beech mein?
Chandan Singh: Ji bola jaye.
Abhinandan: Yeh kiski awaaz hai?
Chandan Singh: Awaaz?
Abhinandan: Yeh toh adhbhut , beech mein kisi ki awaz aa rahi hai?
Chandan Singh: Nahi nahi voh bagal mein udhar dukaan pe.
Abhinandan: Achcha dukaan… Maine socha pata nahi humse…Achcha aap yeh bataye ki ek Section 498 karke hai na, voh harassment ko non-bailable hai, aapne voh section daalne ka socha hai? Uspe toh Sita maiya ko vyon chhutki se nyay mil jata hai matlab?
Chandan Singh: Nahi humne nyayalaya se margdarshan manga tha iss sandarb mein.
Abhinandan: Hmmm accha!!
Chandan Singh: Ji
Abhinandan: I see!
Abhinandan: Chaliye theek hai aapko badhayi ki aap gender ke mamle utha rahe hai, halaki aajkal ke gender ke mamle bhi uthayee…. Kewal purane nahin kyunki aajkal ki mahilao ko zyada fayda pohochega!
Chandan Singh: Sir Sir yeh naari utpidan ka hi mamla hai, isko dekhte huye hi meine uthaya tha, yadi Sitaji ko nyaay milega, Kalyug mein agar Sita ko nyay mil jaye agar yaani Cheta yug mein jo naari satayi huyi hai, usi ka den hai ki log naari ke saath…Matlab naari ko dabane ki koshish ki jaati hai! Yeh naari udpeedan ka mamla hai, maine esi ujjagaar kiya hai, maine ek prashn chinha khada kiya hai Sita Maiya ke liye!
Abhinandan: Ji.
Chandan Singh: Aur aise desh ko samajhna chahiye, khas kar naari ko, poore desh ki mahilao samajhna chahiye aur Sita ji ke nyaay ke liye naari ko aage aana chahiye. Aur phir se main ek baat kahunga.
Chandan Singh: Tathi Vipakshi jab aati hai, kaayar ko hi kahlaati hai, surma nahin vichalit hote par ek nahin dheeraj khote. (Hindi Proverb)
Abhinandan: Wah wah! Satya vachan…Satya vachan.
Chandan Singh: Kaaton mein raah banate hai, bignon ko gale lagate hai, maanav jab jod lagata hai, patthar paani ban jaata hai. (Hindi proverb)
Abhinandan: Beshak beshak! Aur bahut khushi huyi aapse baat karke, aap aise hi nyay mangte rahe, aapke pitaji ko badhayi…Voh aapka ghar chala raha hai aur aap nyaay dila rahe hai duniya ko!
Chandan Singh : Ji…Dhanyavaad!
Abhinandan: Namashkaar!